7-8 ნოემბერს სსიპ სახელმწიფო სიმბოლიკისა და ჰერალდიკის დეპარტამენტის ორგანიზებით, გაიმართა სახელმწიფო სიმბოლიკისა და ჰერალდიკის დეპარტამენტის I სამეცნიერო კონფერენცია - „ქართული ჰერალდიკა: ისტორიულ-კულტურული მემკვიდრეობა“.

კონფერენციაში მონაწილეობას იღებდნენ დეპარტამენტის მუდმივმოქმედი ექსპერტთა კოლეგიის - „ჰერალდიკის კოლეგიის“ წევრები და მოწვეული სპეციალისტები. კონფერენციის პირველი სესია გახსნა სახელმწიფო სიმბოლიკისა და ჰერალდიკის დეპარტამენტის თავმჯდომარემ, მამუკა გონგაძემ, ხოლო მეორე სესია - „ჰერალდიკის კოლეგიის“ თავმჯდომარემ, მამუკა წურწუმიამ.

სახელმწიფო სიმბოლიკისა და ჰერალდიკის დეპარტამენტის I სამეცნიერო კონფერენციაზე მონაწილეებმა წარმოადგინეს ინტერდისციპლინარული მოხსენებები, მათ შორის: საქართველო და ქართული დროშა ევროპულ კარტოგრაფიაში (მამუკა წურწუმია, სულხან სალაძე, ელგუჯა სეხნიაშვილი); წმინდა გიორგი ქართულ და უცხოურ ჰერალდიკაში (მამუკა გონგაძე, ნიკოლოზ ჯავახიშვილი);. ჰერალდიკაში ასახული სამეფო ნიშნები: გვირგვინი, სკიპტრა, სფერო, მანტია და ხმალი (ნინო დათუნაშვილი, თეიმურაზ ჯოჯუა); შავიზღვისპირეთის ნუმიზმატიკური ნიმუშები და ისტორია (როლანდ სპანდერაშვილი); ანტიკური ხანის პროტო-ჰერალდიკური სიმბოლოები (დავით კდლიაშვილი);  საქართველოს ეროვნული მუზეუმის უცნობი კოლექცია მიხეილ ვადბოლსკის შესახებ (მამუკა ქაფიანიძე), სტატია აკრძალული ლიეტუვური ჰერალდიკური სიმბოლოების შესახებ (ნინო სიხარულიძე), აგნე-რაილაიტე ბარდეს ავტორობით, რომელიც ჟურნალ „ჰეროლდის“ მე-12 ნომერში უნდა გამოქვეყნდეს.

კონფერენციის დასასრულს, მონაწილეებს გადაეცათ ორენოვანი სერტიფიკატები და საქართველოს სახელმწიფო დროშა. მომავალში ეტაპობრივად დეტალურად გაგაცნობთ კონფერენციაზე წარმოდგენილ მოხსენებებს.

იხ. ფოტოები >>