27 მაისს შედგა ჟურნალ "ჰეროლდის" მორიგი, მე-11-ე ნომრის პრეზენტაცია. ჟურნალში კვლავაც გაეცნობით ავტორთა საინტერესო სტატიებსა და სიმბოლოების შესახებ კვლევებს:

სარა ბარნაველი - სამეფო გორგასლიანი დროშა;

ნიკოლოზ ნიკოლოზიშვილი - საქართველოს დემოკრატიული რესპუბლიკის საზღვაო დროშის ისტორიისთვის;

ჰანა იტერბეკე - ოქროს საწმისის ორდენის რაინდების მეხელენის კრება და მათი გერბები;

მიხეილ ვადბოლსკი - ქართული ჰერალდიკის წარსულიდან;

ზაქარია კიკნაძე - საქართველოსთან დაკავშირებული კიდევ ერთი გერბის შესახებ;

ო. ტარნოვსკი - ოლეგ ტარნოვსკის მიერ მიხაილ ვადბოლსკისადმი მიწერილი წერილი;

ინტერვიუ აფხაზეთის ა/რ უმაღლესი საბჭოს დეპუტატთან ნუგზარ მგალობლიშვილთან - აფხაზეთის ავტონომიური რესპუბლიკის სიმბოლოები;

თბილისის გერბის კონკურსზე წარმოდგენილი ნიმუშები;


როგორც ჩვენმა მკითხველმა უკვე იცის, ჟურნალი „ჰეროლდი“ ათწლეულის განმავლობაში აქვეყნებდა სახელმწიფო და სახელმწიფო მნიშვნელობის სიმბოლოებს, მათთან დაკავშირებულ სამართლებრივ აქტებს, ახალი სიმბოლოების დადგენისათვის საჭირო სამეცნიერო ნაშრომებს; ჰერალდიკურ, ვექსილოლოგიურ, ნუმიზმატიკურ, ფალერისტიკულ პროექტებს და ახლად აღმოჩენილ არტეფაქტებს.
“ჰეროლდი” წელს ახალი ფორმატით (A5) გამოდის და კვლავაც იქნება ჰერალდიკის სახელმწიფო საბჭოს ოფიციალური გამოცემა. ამასთან, ყოველწლიური ჟურნალი შეეცდება, გაზარდოს როგორც სამეცნიერო კვლევების აკადემიურობა და ხარისხი, ასევე საზოგადოების ინფორმირება სიმბოლოების შემოქმედებასთან, დადგენასთან და მათი სამართლებრივ უზრუნველყოფასთან დაკავშირებით, გაცილებით მეტად დაიცვას საბჭოს საქმიანობის გამჭვირვალეობის ანგარიშვალდებულება.

მოწვეული საზოგადოება აგრეთვე გაეცნო სახელმწიფო სიმბოლიკისა და ჰერალდიკის დეპარტამენტის განახლებულ ვებ-გვერდს.

იხ. გალერეა