23 აპრილს საქართველოს პარლამენტთან არსებული ჰერალდიკის სახელმწიფო საბჭო ბოლნისში, კულტურის სახლის საგამოფენო დარბაზში წარმოადგენს  გამოფენას თემაზე:  "თანამედროვე ქართული სახელმწიფო სიმბოლოები". გამოფენა გაიხსნება 11:00 საათზე.
 წარმოდგენილი იქნება დამოუკიდებლობის აღდგენის შემდეგ შექმნილი და დამტკიცებული საქართველოს სახელმწიფო სიმბოლოები, მათ შორის ავტონომიური რესპუბლიკის, თვითმმართველი ორგანოების სიმბოლოები (გერბი, დროშა), სახელმწიფო და უწყებრივი ჯილდოები, უნიფორმები, ფულადი ნიშნები და სხვა ინსიგნიები. 
გამოფენის მიზანია სახელმწიფო სიმბოლოების პოპულარიზაცია, მოსწავლეების, სტუდენტების, ახალგაზრდობისა და ფართო საზოგადოების ინფორმირება, თუ როგორ ვითარდება თანამედროვე ქართული სიმბოლიკა, სახელმწიფო ატრიბუტიკა, მათ შორის უნიფორმოლოგია, ნუმიზმატიკა, ფალერისტიკა, ჰერალდიკა და ვექსილოლოგია, როგორ მკვიდრდება ამ მიმართულებით ევროპული სტანდარტები  დამოუკიდებელ საქართველოში. 
გამოფენის ორგანიზატორები არიან ჰერალდიკის სახელმწიფო საბჭო და ბოლნისის მუნიციპალიტეტი.  
შეგახსენებთ,რომ ასეთი ფორმატის გამოფენა უკვე გაიმართა თბილისში, ბათუმსა და მესტიაში, დმანისში და საზოგადოების დიდი ინტერესი გამოიწვია. 
გამოფენა დაიხურება 26 აპრილს. 
ტ.2932099